Најдостапниот електромобил на Тесла во моментов чини 35.000 долари – тоа е седанот Модел 3. Но шефот на компанијата Елон Маск навести уште подостапен автомобил во наредните години.
Кога го презентираше Модел 3, Тесла го позиционираше автомобилот како прв масовен модел на располагање на пошироката публика, во однос на претходните скапи модели. Во својот основен, Модел 3 чини 35 илјади долари.
Дали е можно понатамошно намалување на цените? За ова прашање, Маск дава позитивен одговор. Според неговите зборови, Тесла може да пушти електромобил по цена од 25.000 долари по три години, пишува Енгаџет.
Сепак, поевтини електромобил не е цврсто ветување од страна на шефот на Тесла, туку потенцијална можност базирана на проценка, која ги зема во предвид техничките достигнувања и ефектот од зголемениот обем на производство.
Фото: EPA/MIKE-NELSON
