Годината која ја остава зад себе, Меган Маркл ќе има по што да ја памети, а веројатно и претстојната 37-ма година од нејзиниот живот.
Таа денеска го прослави својот роденден кој за неа е прв откако е дел од кралското семејство. Иако многумина би очекувале гламурозна забава, кралските правила го налагаат спротивното – роденденските забави да бидат достоинствени, скромни и во склоп на семејството.
Минатата година таа и принцот Хари го прославија роденденот во Африка, а годинава на венчавката на најдобриот пријател на Хари, Чарли.
Меган се појави држејќи го за рака нејзиниот сопруг и го украде целото внимание на венчавката, пишуваат британските медиуми. Како што објавија, војвотката облекла темно сина комбинација без ракави.
Нејзиниот роденден го честитаа и од официјалниот профил на кралското семејството на Твитер споделувајќи фотографија од Меган Маркл и кралицата Елизабета II.
Happy Birthday to HRH The Duchess of Sussex! #HappyBirthdayHRH pic.twitter.com/qId94pYuNo
— The Royal Family (@RoyalFamily) August 4, 2018
