Основачот на трговскиот гигант Амазон Џеф Безос стана најбогатиот човек во поновата историја на светот, со богатство од 150 милијарди долари.
Се смета дека неговиот водечки соперник за позицијата најбогат човек на светот, основачот на Мајкрософт Бил Гејтс, „тежел“ 149 милијарди долари во 1999 година, пред падот на вредноста на акциите на информатичките компании.
Номиналното богатство на Гејтс тогаш изнесувало околу 100 милијарди долари, сума која Безос одамна ја надмина, но сега основачот на Амазон го надмина Гејтс и во реалната вредност на неговата империја.
