Ширењето на штрајкот на нафтените платформи во Норвешка го запре падот на цената на нафтата на светските берзи. Нафтата денеска порасна за 0,4 отсто на 72,12 долари за барел Брент, откако вчера падна за дури 4,6 отсто.
Стотици работници во Норвешка штрајкуваат во спор околу нивните плати и пензии. На другите нафтени пазари, се очекува американското производство да продолжи да расте благодарение на наоѓалиштата во Пермианскиот басен во Тексас и Ново Мексико, додека во Либија, властите најавуваат натамошно нормализирање на работата на нафтените терминали, но во исто време се соочени со пад на приозводството во полето Шарара, кое е на удар на герилски групи.
