„Агресивна е и опасна“, рекол некој од семејната куќа на актерката во Лос Анџелес на полицијата. Тори Спелинг (44) во четвртокот на 1 март доживеала нервен слом. Полицијата се задржала неколку часови во нејзината семејна куќа. Не е познато кој повикал полиција.
Поранешната ѕвезда на „Беверли хилс 90120“, ден порано самата повикала 911, тврдејќи дека некој ѝ провалува во куќата. Но, во идниот повик рекла дека се „збунила“ и дека сопругот Дин Мекдермот (51) дошол дома. Потоа, излегла да се забавува со ријалити ѕвездата Корин Олимпиос.
Тори во 2013 година пред камерите го спасуваше бракот со сопругот, откако ѝ призна дека ја изневерил. Во реалното шоу „Тори и Дин: Вљубени“, поранешната актерка рекла дека бракот го спасила поради своите деца. Во март Тори го роди петтото дете, синот Био.
– Тоа е прво дете што го одгледувавме со љубов и комуникација – изјавила Тори.
Нејзиниот татко Арон Спелинг ѝ оставил само 800.000 долари од своето богатство тешко 600 милиони долари, кои ѝ ги оставил на својата сопруга Кенди. Кенди рекла дека Тори „дивјачки“ троши, а одбила да ѝ ги плати долговите што ѝ се натрупале на кредитните картички. Мајката им ги плаќа прехранбените производи и школарината на децата. Тори лани прогласи банкрот кога државата ѝ „седна“ на сметките, бидејќи не плаќала данок. Најтешко ѝ паднало што морала да престане да оди редовно на третманите со ботокс.
