Американскиот претседател Доналд Трамп играше голф во клубот во Тарнери, западна Шкотска, Глазгов, каде што го помина викендот, пренесоа американски медиуми.
Некои новинари виделе дека шефот на државата игра голф, облечен во црно, со бела шапка. Тој покажувал со рацете кон демонстранти во далечината, кои извикуваале, „Не на Трамп, Не на Кју Клукс Клан, не на расистички САД”, а потоа продолжил да игра.
Дел од теренот за голф се гледа од плажата, каде десетина демонстранти се собраа да го изразат својот протест против посетата. Полицискиот кордон го блокирал пристапот до клубот.
Протести против Трамп денеска се одржаа и во другите делови на Шкотска. На протестот во Единбург присуствуваа речиси 10 000 луѓе.
Демонстрантите во Единбург, исто како тие во Лондон, подигнаа огромен портокалов балон, кој го прикажува Трамп како бебе, со мобилен телефон и како испраќа пораки на Твитер.
Протести имаше и крај голф клубот на Трамп во близина на Абердин.
