Британија, која е позната по Биг бен, музејот „Мадам Тисо“, Бакингемската палата и Вимблдон, сега ќе ја има и првата селфи фабрика.
Станува збор за музеј во кој фотографирањето не само што е дозволено, туку е и единствена цел. Изложба под наслов „Фабрика за селфи“ што се отвора во Брајтон претставува ново поп-ап искуство и има потенцијал да стане светска сензација.
Фабриката своите врати за инстаграмџиите ќе ги отвори на 23 август и тие во магијата на селфи фотографирањето ќе може да уживаат една седмица.
Овој претприемачко-уметнички концепт потекнува од три млади девојки, што идејата од Лос Анџелес ја пренеле во Британија. Изложбата има тенденција да стане светска атракција.
– Нашата цел е да создадеме опкружување во кое секој може да дојде, да си помине добро и да се врати со фантастични фотографии – изјавил директорот на Фабриката за селфи, Вил Боверс.
