Осветлување и знаци ќе бидат поставени во пештерата Там Луанг во Тајланд каде што беа заробени 12-те деца и нивниот фудбалски тренер, со цел да се спречат љубопитните туристи од влегување, односно губење во пештерскиот комплекс, посочи премиерот на Тајланд, пренесуваат медиумите.
– Во иднина треба да го надгледуваме влезот и излезот од пештерата. Пештерата стана светски позната. Треба да поставиме светла и знаци. Тоа е опасна пештера – истакна премиерот Прајат Чан-оча.
Посетителите се советуваат да избегнуваат влегување во пештерата за време на дождовната сезона, поради ризикот од поплавување.
Тајланд планира да ја промовира пештерата како туристичка атракција, откако ќе биде обезбедена.
