Познатиот пејач Роби Вилијамс јавно се пожали дека се чувствува како нешто постојано да му недостасува и дека се бори со „некој облик на ментално заболување”.
Пејачот неодамна, за лондонското „Радио 2“ проговори за својата битка со депресијата и рече дека има „помрачувања во главата“.
– Не знам во кој спектар се наоѓам, но секој ден е поинаков, па дури и ако ги правам истите работи. Некои денови едноставно не можам да си објаснам зошто не можам да станам од креветот, изјави Вилијамс.
Натаму, тој раскажува како откако тој и неговата сопруга Ајда Филд ги добиле ќеркичката Теодора (5) и синот Чарлтон (3), почнал повеќе да го вреднува животот.
– Имам опсесија да го пребарувам своето име на Гугл, барајќи негативни коментари за себе. Тоа е истовремено и проклетство и благослов, оти постојано читам дека сум глупав и дека не знам да пеам, но тоа ме турка напред. Затоа денес сум тоа што сум, вели тој.
Претходно, Вилијамс неколкупати изјавуваше дека е блиску до смртта и го споредуваше својот „живот полн подеми и падови“ со оној на покојниот Џорџ Мајкл.
