Поранешниот претседател на САД Барак Обама гостуваше во емисија на познатиот готвач и водител Ентони Бордејн, за кого беше соопштено денеска дека си го одзел животот со бесење во 61. година.
Тие двајцата јадеа виетнамска храна по 6 долари од оброк, пиеја пиво и седеа на пластични столчиња.
Во нивна чест, масата, столчињата и чиниите од кои тие јаделе се сместени во посебен дел покриен со стакло во овој ресторан.
Обама на Твитер изрази жалење за загубата на Бордејн.
„Ниско пластично столче, евтини, но вкусни нудли и ладно пиво. Вака го паметам Тони. Тој нѐ учеше за храната, но уште поважно за нејзината моќ да нѐ зближи. Да бидеме помалку плашливи за непознатото. Ќе ни недостасува“, напиша Обама на Твитер.
Телото на Бордејн беше пронајдено во хотелска соба во Стразбур, Франција.
