Идејата на иницијативата е да ги понуди потенцијалите на регионот, но и на секоја земја одделно, во рамки на нивните обединети капацитети.
Интензивиран интерес и прилив на странски инвестиции во Западен Балкан е целта на „Регионалната инвестициска платформа“ на ЕБОР што дененска е промовирана на лондонскиот Инвестициски самит за Западен Балкан во организација на Европската банка за обнова и развој (ЕБОР), а на која учествува премиерот Зоран Заев и премиерот од регионот.
Идејата на иницијативата е да ги понуди потенцијалите на регионот, но и на секоја земја одделно, во рамки на нивните обединети капацитети, како ресурс и како пазар од над 20 милиони жители.
Како што соопшти владината прес-служба новата „Регионална инвестициска платформа“, ќе ги застапува предностите на регионот пред странските инвеститори и ќе ги обедини сите олеснувања и можности за нови странски инвестиции од регионален карактер.
Изразен е интерес за политиките за борба против корупцијата во сите земји на Западен Балкан, и во однос на енергетското поврзување.
Премиерот Зоран Заев истакна дека борбата против корупцијата е приоритет во политиките на Владата на РМ и дека политиките со справување со оваа појава ќе продолжат да се имплементираат со поголем интензитет.
Во однос на енергетското поврзување, премиерот Заев нагласи дека Република Македонија ќе соработува со сите земји во регионот на ова поле и дека „Регионалната инвестициска платформа“ промовирана во Лондон во енергетиката е еден од најпредизвикувачкиот дел од повеќегодишниот акциски план на регионалната економска област.
