Иститутот за Археолошки Истражувања на 9 јуни во 17 часот ќе ја одбележи Европската година на културното наследство во Архео Паркот Бразда.
“Промоција на владетелската гробница на археолошкиот локалитет Градиште-Бразда” е еден од 12-те проекти финансирани од Делегацијата на Европската Унија во рамки на повикот за предлози за одбележување на Европската година на културно наследство.
Главната цел е да ја подигнеме свеста кај локалното население за значењето на културното наследство кое го имаат во нивната непосредна близина, како и да ги поттикнеме да учествуваат во заштитата и одржувањето на Архео Паркот во иднина.
На самиот настан на 9 јуни во Архео Паркот Бразда ќе биде прикажан документарен филм за самиот локалитет и неговото значење, ќе има изложба на фотографии “Владетелската гробница од пронаоѓањето до денес”.
Во рамки на проектот се организираа и други активности наменти за различни таргет групи.
Сите овие активности се поддржани од Делегацијата на Европската Унија и ЕУ ИнфоЦентар, а во соработка со НУ Археолошки музеј на Македонија.
На отварањето на настанот ќе се обратат м-р Горан Санев – директор на Археолошкиот Музеј на Македонија, Радомир Ивановиќ и Елена Каранфиловска од Институтот за Археолошки Истражувања.
