Францускиот милијардер, индустријалец и конзервативен политичар Серж Дасо почина на 93- годишна возраст денеска во Париз, информираа од Дасо групацијата.
Оваа групација ја контролира „Дасо авиасион“ (Dassault Aviation), весникот „Фигаро“, го има мнозинскиот пакет во „Дасо Системс“ и „Талес“, како и помали акции во неколку други француски компании.
„Дасо груп“ е најпозната по борбените авиони „Рафал“.
Серж Дасо, кој пред неколку години го предаде раководството во компанијата, почина попладнево во канцеларијата во Париз.
