Најстарата жена на светот која треба да наполни 129 години, русинката Коку Истамбулова не му се радува на роденденот. Таа вели дека секој ден за неа е казна.
Истамбулова е родена и живее во Чеченија и како што вели не памети ниту еден среќен ден во животот и се чуди зошто живее толку долго. Во личната карта е напишано дека е родена на 1. јуни 1889 година .
– Гледам луѓе кои спортуваат и внимаваат што јадат за да проживеат волку долго, а јас ништо од тоа не сум правела и не знам како толку долго останав жива. Животот не ми беше среќен. Секогаш напорно работев, ја обработував земјата . Уморна сум . Долгиот живот за мене не е божји дар, туку казна – вели Истамбулова , која не јаде месо, а претежно се храни со млечни производи.
Ги изгубила децата, едниот син кога имал шест години, а единствената ќерка починала пред пет години , кога имала 104. Бабичката се сеќава и на исчамските правила во Чеченија.
– Баба ми ме тепаше , ако не ми беше марамата добро врзана . Кога дојдоа советите, жените почнаа полежерно да се облекуваат. Ми е жал што веќе не сум мртва. Цел живот напорно работев и никогаш немав време за уживање или забава. Кога Работев деновите побргу ми минуваа, но сега веќе не можам да работам . Во целиот свој живот немав ниту еден среќен ден – раскажува најтарата жена на светот.
Според пензискиот фонд на Русија во земјата живеат 37 лица постари од 110 години, а најбројни се во Чеченија.
