Американецот Кaнефах Бузер, кој помина над три години во затвор врз основа на лажното сведочење на полицаецот Рајан Волтман, доби отштета од десет милиони долари.
Овој 33-годишен маж од Филаделфија беше затворен за наводно пукање кон полицаец во 2011 година, но поради кауцијата од половина милион долари процесот го чекаше во затвор.
Во 2014 година кога конечно почна неговото судење, друг маж сведочеше дека вечерта тој пукал, а не Бузер, како и дека тоа го направил во воздух, а не кон полицаецот.
Тој исто така нагласи дека тоа го соопштил во полицијата уште ноќта кога Бузер бил уапсен, но дека никогаш не било истражено.
Додека Бузер беше во затвор починаа неговата мајка и сестра.
Од градот Филаделфија соопштија дека полицаецот Волтман направил ненамерна грешка, како и дека ќе вложат жалба на одлуката за обесштетување.
Волтман се уште е вработен во полицијата.
