Француските политичари на чело со претседателот Емануел Макрон се налутија кога Европската комисија сигнализираше дека англискиот ќе остане главен јазик во Брисел по брегзитот, и покрај обидите на Макрон да го замени со францускиот јазик, пишува британскиот весник „Дејли експрес“, а пренесува Макфакс.
Според новиот предлог, финансирањето на англискиот јазик ќе продолжи и по излегувањето на Велика Британија од Унијата следната година.
– Англискиот јазик најверојатно никогаш не бил поприсутен во Брисел како сега, во период кога разговараме за брегзитот – рече Макрон и вети дека ќе се бори за поголема употреба на францускиот јазик во институциите на ЕУ и пошироко.
Макрон инсистираше на тоа дека неговото залагање не е против употребата на англискиот јазик, туку повеќе за промовирање на повеќејазичноста.
Англискиот јазик е сè поприсутен во европските институции, посебно откако источноевропските земји станаа дел од ЕУ во 2004 година.
