Францускиот претседател Емануел Макрон денеска ја посети пацифичката островска територија Нова Каледонија да ги повика граѓаните да гласаат против независност.
Нова Каледонија има статус на специјална француска област, а е под француска власт од 1853 година. Во 1970-ите и 1980-ите островскиот архипелаг бил погоден од серија безредија и судири меѓу француските сили и вооружени групи кои се залагаат за независност, а при крајот на годинава нејзините 260.000 жители ќе решаваат за иднината на референдум за независност.
– Не сакам да им кажам на Каледонците како да гласаат на референдумот за независност. Сакам да им помудам проект за заедничка иднина – изјави Макрон во своето обраќање пред граѓаните на пристанишниот град Нумеа.
Според анкетите, над 59 проценти од граѓаните се против независност од Франција, а 22,5 проценти се за отцепување од Франција.
