Бил Гејтс издаде сериозно предупредување за смртоносна болест која би можела да убие повеќе од 30 милиони луѓе за само неколку месеци. Имено, основачот на „Мајкрософт“ верува дека смртоносна епидемија на грип би можела да ја погоди нашата планета и дека човештвото треба да биде подготвено за вакво сценарио, исто како што големите сили се подготвуваат за војни, пренесува Макфакс.
Ова апокалиптично предупредување Гејтс го изнесе во петокот на научен собир во Масачусетс. Иако и порано зборувал на темата, Гејтс во оваа прилика внел многу сигурност во неговите зборови, пишува „Гизмодо“.
„Кажете им на светските лидери дека се гради оружје што може да убие 30 милиони луѓе – веднаш ќе има реакции и подготовки против таквата можна закана, но во случај кога станува збор за биолошка закана, изостанува енергична реакција“, рече еден од најбогатите луѓе во светот.
Забележувајќи дека тој е обично оптимист, Гејтс наведе дека постои една област во која светот не прави доволно за да постигне напредок, а тоа, според него, е подготвеноста за епидемии.
Во обид да го направи светот свесен за заканите за кои често зборува, Гејтс се состана со Доналд Трамп во март. Тој се обиде да го убеди претседателот да се откаже од својот план за независна истрага за безбедноста на вакцините.
ФОТО: јутјуб
