Иницијатвиниот одбор за промена на претседателот на синдиканата организација и синдикалниот одбор на „Фени Индустри“ преку отворено писмо информираат во каква состојба се наоѓаат работниците сега и каков им бил животот последните две години. Ја повикуваат претседателката на Транспаренси Интернешнал, Слаѓана Тасева да оди во „Фени“ и од работниците да се информира за состојбите и сите случувања.
Во писмото потсетуваат дека 1.000 семејства живеат од Комбинатот, оти моментално се задоволни бидејќи редовно земаат плата, се исплаќаат долговите и дека се полнат залихите, што не било случај пред осум месеци и последните две години во кои едвај преживувале и биле под тортура.
„Постојано не надгледуваа и ни се закануваа ако зборуваме нешто против Кунико, а директорот избега од државата и ја продаде фирмата за едно евро. Постојано ни велеа дека ќе влезат пари и инвестиции, а тоа никогаш не го видовме. Потоа дојде Енекорд а тие на заемот за да си купиме огревни дрва ни наплатуваа камата. Ни ветуваа плати и рестарт, а од тоа ништо“, пишува во писмото.
Работниците во писмото ѝ се обраќаат и на претседателката на Транспаренси интернашнал, Слаѓана Тасева ја прашуваат зошто не оди кај нив и да разговара со вработените и самата да се увери во она што го пишуваат.
„Престанете да верувате во криминалци како Кунико и Енекод и да ги браните без докази. Се работи за наша лична егзистенција, а тие го уништија комбинатот. Изнесени беа милиони од фабриката. Оставете не да работиме“ пишуваат во отвореното писмо работниците на „Фни“.
