Рускиот претседател Владимир Путин изјави дека Русија не планира да води војна со никого, но дека сака да ги одврати другите земји од конфликт со Москва.
– Ние нема да се бориме против никого. Сакаме да создадеме услови да никој не сака да се бори птоив нас – рече тој за ТАСС во интервјуто наречено „20 прашања за Владимир Путин“.
Путин исто така рече дека САД трошат многу повеќе пари за одбраната отколку Русија.
Тој, изнесе и детали за еден од неговите разговори со американскиот колега Доналд Трамп за воениот буџет.
– Доналд ми рече дека усвоиле огромен воен буџет за следната година, 738 милијарди долари – рече Путин.
Фото: EPA / ANATOLY MALTSEV
