САД во моментов не е вклучена во непријателства кон Иран и на Техеран му понуди техничка помош во справувањето со епидемијата од новиот коронавирус, изјави американскиот државен секретар, Мајк Помпео.
– Ние ѝ дадовме понуда на Исламската Република за помош – им соопшти Помпео на конгресмените откако го притиснаа околу глобалниот одговор на заразата, во сослушувањето во Конгресот што во фокусот го имаше Иран.
Американските конгресмени се загрижени дека во Иран е забележана сериозна појава на коронавирусот, додека нивниот здравствен систем е ослабнат.
Помпео истакна дека здравствениот систем во Иран не е стабилен и додаде дека Техеран не споделува информации.
ФОТО: EPA / MAURICIO DUENAS CASTANEDA
