Меган Маркл (38) им рекла на пријателите дека таа и принцот Хари (35) „не можат да бидат законски спречени“ да го користат зборот „кралски“ како дел од нивните деловни активности, иако кралицата Елизабета Втора тоа го забрани,пишува „Дејли мејл“.
На официјалната страница „Сасекс ројал“ осамна соопштение во кое се вели дека сѐ стапува на сила од пролет 2020 година.
– Иако не постои каква било надлежност на монархијата или (на владиниот) кабинет над употребата на зборот „кралски“ во странство, војводата и војвотката од Сасекс немаат намера да го користат „Сасекс ројал“ никој која било збор „кралски“ на која било територија, се додава во нивното соопштение.
Маркл се пожалила на најблискиот круг на пријатели дека користењето на името „воопшто не треба да претставува проблем“. „Не е како да продаваме маици и пенкала“, рекла Маркл.
„Меган изјави дека има многу драма во нејзиниот живот и дека нема време за критичари и оние кои ќе ѝ кажат нејзе и на нејзиниот сопруг што не треба да прават“, рекол пријател на Меган за „Дејли мејл“, кој бил запознаен со ситуацијата.
Веста од вторникот Меган не ја примила добро. „Меган изјави дека глобалните проекти за кои таа (и нејзиниот сопруг) работеле зборуваат сами за себе и дека решиле да го користат тоа име за да го заштитат кралското име, а не да заработат пари на него“, рече пријател на Маркл.
Меган рекла дека името на нивниот бренд не спаѓа во иста реченица со добротворната организација што ја градат и позитивното влијание што таа ќе го има врз луѓето и околината.
Блискиот на Меган, исто така, рекол дека таа споделила дека заедно со Хари ќе успеат без оглед дали ќе го употребуваат зборот „кралски“ или не.
– Таа рече дека Хари и Арчи имаат кралска крв во нив, и никој не може да го одземе тоа од нив. Меган додаде дека тие секогаш ќе се сметаат за членови на кралското семејство, без оглед дали го користеле зборот „кралски“ или не. Таа исто така рече дека Хари и тие создаваат подобар свет за Арчи и дека тој ги држи фокусирани“ – додал изворот.
Кралицата Елизабета Втора и високи британски официјални претставници се согласија минатиот вторник дека не е соодветно парот да продолжи да го користи зборот „кралски“ во нивното „брендирање“ и да се претставуваат себеси како дел од кралското семејство. Одлуката доаѓа откако Хари и Меган веќе потрошија десетици илјади фунти на новата веб-страница на „Сасекс ројал“ и ја формираа добротворната организација „Сасекс Ројал“ – Фондација на војводата и војвотката од Сасекс“.
Кралицата Елизабета и кралското семејство ги третираат Хари и Меган поинаку од другите членови на кралството, напишале двајцата во специјалното соопштение на нивната страница, пишува „Дејли мејл“. Според извори во палатата, парот се повикува на принцезата Беатрис и принцезата Јуџин. Двете принцези, кои се деветта и десета по ред за тронот, работат со полно работно време.
Во својата порака, Меган и Хари напишаа „иако не е преседан за други членови на кралското семејство да бараат полно работно време надвор од кралската институција, наметнати се пробен период и голем број ограничувања за војводата и војвотката од Сасекс“.
Во изјавата на Меган и Хари се вели и дека принцот останал шести по ред за престолот, дека ќе ја задржи својата воена титула и дека тие сè уште имаат право на лична безбедност.
