Претседателската кампања на Мајкл Блумберг досега закупи телевизиско време во вредност од 136,8 милиони американски долари, според податоците на Адвертајзинг аналитика, која ги следи трошоците за политичко рекламирање.
Покрај тоа, милијардерот има потрошено дополнителни 10,8 милиони долари за интернет реклами и 7,7 милиони долари за други медиуми.
Поранешниот градоначалник на Њујорк потроши 70,6 милиони долари повеќе од Том Стајер, кој исто така се потпира на неговото лично богатство за да ја финансира својата кампања. Берни Сандерс од демократите закупи време за 19,3 милиони долари. Американскиот претседател Доналд Трамп досега потрошил околу 30,3 милиони долари, претежно на интернет реклами.
За разлика од своите ривали, Блумберг не троши во Ајова и Њу Хемпшир, а наместо тоа се фокусираше на државите кои ги одржуваат своите натпревари за номинации подоцна во текот на годината.
Блумберг е основач и мнозински сопственик на Блумберг ЛП, матична компанија на Блумберг њуз
