Најмалку 16 затвореници се убиени, а петмина се повредени во тепачка во затвор во Мексико, до која дошло поради фудбалски натпревар.
Тепачката се случила во затвор во мексиканската држава Закатекас.
Министерството за јавна безбедност не ја коментираше причината за тепачката, но соопшти дека состојбата во затворот сега е под контрола и оти ќе бидат објавени имињата на убиените.
По тепачката извршен е претрес во затворот при што се пронајдени три пиштоли, како и разни видови ножеви.
Владата покрена истрага за да се утврди кој е одговорен за тепачката, како и како оружјето било внесено во затворот.
