Француското Министерство за внатрешни работи тврди дека на денешните протести имало 615.000 демонстранти ширум Франција против реформата на пензискиот систем, додека синдикатите тврдат дека имало 1,8 милиони, јавува дописникот на МИА.
Во моментот кога во Париз заврши дефилето на синдикатите, полицијата одвреме на време испукуваше солзавец, но з сега не се забележани судири.
Според префектурата, 27 лица биле уапсени и биле извршени 3759 превентивни контроли.
Додека дел од синдикатите бара повлекување на реформата или нејзината измена, премиерот Едуар Филип пред Националното собрание истакна дека Владата не отстапува од реформата и таа „целосно е определена да ја спроведе”.
Штрајкот во јавниот превоз продолжува и понатаму.
