Не беше залудна борбата за промени, покажавме дека можеме повеќе, изјави Петре Шилегов на денешната трибина „На прав пат“ на СДСМ во Скопје.
– Со вашата поддршка од пред две години успеавме чекор по чекор Скопје да го претвориме во успешна приказна. Но, приказната не завршува овде. Најдоброто допрво доаѓа – рече Шилегов и најави решение на проблемот со аерозагадувањето, како и изградба на Универзалната сала.
– Од февруари низ скопските улици ќе можат да се видат новите 33 нископодни единечни и двокатни автобуси на гас – најави Шилегов.
– Наместо набавки на скапи автобуси, на пат се 33 нископодни единечни и двокатни автобуси на гас кои од следниот февруари ќе ги гледаме низ скопските улици – рече Шилегов, додавајќи дека се преземаат системски мерки и во делот на хигиената на градот, сообраќајот и аерозагадувањето.
Со новите еколошки автобуси се очекува годишно да се заштедат 25.000 евра за гориво, во споредба со двокатните кинески автобуси. Новите автобуси ќе имаат влијание и врз намалувањето на аерозагадувањето во градот бидејќи емитуваат незначителна концентрација на ПМ честички.
Bо салата „Борис Трајковски“ во тек е граѓанската трибина „На прав пат“.
