Шкотската премиерка Никола Старџен денеска му порача на британскиот премиер Борис Џонсон да се фокусира на реалноста и да признае дека Шкотската национална партија (СНП) добила мандат за втор референдум за независност.
СНП освои 48 од 59 шкотски места во британскиот парламент на неодамнешните предвремени избори, што ја поттикна Старџен да ги интензивира барањата за одржување втор референдум за независност.
Џонсон вчера, во телефонски разговор и порача на шкотската лидерка дека нема да има нов рефердендум за независност на Шкотска. Тој истакна дека мора да се почитува резултатот од претходното изјаснување на граѓаните во 2014 година.
– Цврсто му реков дека имам мандат да им понудам на луѓето избор. Тој повтори дека се противи – појасни Старџен.
Фото: EPA/ROBERT PERRY
