Предлог – законот за утврдување на правен статус на бесправно изградени објекти, како и предлог – законот за изменување и дополнување на Законот за градење и барањето за издавање на лиценца за вршење на енергетска дејност дистрибуција на топлинска енергија, на предлог на Регулаторната комисија за енергетика и водни услуги ќе бидат на дневен ред на денешнарта седница на владата.
Покрај ова владата ќе ја разгледа и информацијата за усвојување на Меморандум за соработка/разбирање со Евроатлантскиот центар за координација на одговор при катастрофи (EADRCC) за спроведување/реализација на здружена вежба „Северна Македонија 2020“.
На дневен ред е и Стратегијата за развој на женското претприемништво 2019 – 2023, со Акциски план, на Министерството за економија.
За оваа седница е предвидена и информацијата за прогресот на изградба на станови наменети за лица во социјален ризик и други ранливи групи и станови наменети за продажба.
