Анонимни пријави за подметнати бомби во 30 трговски центри и 35 болници во Санкт Петербург

Ниту една закана со бомба не е потврдена. 

81

Околу 30 трговски центри и 35 медицински установи во Санкт Петрбург примиле анонимни закани за подметнати бомби, за Тасс изјави извор од Итната служба.

– Околу 30 трговски центри и 35 медицински установи ги примиле писмата со закана за подметната бомба – изјави неименуваниот извор.

Друг извор за Тасс кажа дека во тек е евакуација во трговските центри Академически и Земчузнаја Плаза.

Очевидци пријавуваат на социјалните мрежи дека е во тек и евакуација во трговскиот центар Мега-Дибенко и други трговски центри.

Заедничката прес служба на судовите во Санкт Петербург претходно информира за евакуација на судовите, откако примиле анонимни писма за закани со подметнати бомби.

Неколку судови веќе продолжија со работа, а ниту една закана со бомба не е потврдена.

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.




loading...