Хрватскиот синдикат на полициски службеници соопшти дека го поддржува штрајкот на вработените во образованието и најави дека ќе спроведе анкета меѓу своето членство за придружувањето.
Синдикатите на хрватската полиција порачуваат дека, во зависност од резултатот на анкетата, ќе почнат одредени акции што ќе ги интензивираат кога Хрватска ќе го преземе претседавањето со Советот на ЕУ, од 1 јануари следната година.
Синдикатите наведуваат дека ги поддржуваат луѓето од образованието бидејќи „меѓу владата и синдикатите воопшто нема дијалог, со оглед на тоа дека владата комуницира со синдикатите преку медиумите, место на маса со дијалог и аргументи“.
Поистоветувајќи се со штрајкувачите во образованието, полицајците тврдат дека како и тие се на дното од општественото скалило, а дека разликата е само во тоа што во образованието имаат сложени и агилни репрезентативни синдикати кои преговараат со аргументи и кои не се согласуваат да бидат поткупени.
