Суд во Германија ги забрани регистарските таблички „HH 1933“

„ХХ 1933“ асоцијара на националсоцијалистичкиот поздрав „Хајл Хитлер“, a 1933 е годината кога Хитлер, на чело на националсоцијалистите, дојде на власт во Германија.

165

Виш управен суд во Минстер забрани употреба на автомобилските регистарски таблички со ознака „HH 1933“ (ХХ 1933), бидејќи премногу асоцира на периодот на националсоцијализам и доаѓањето на Хитлер на власт, поради што се коси со правилата за почитување на моралот и обичаите.

– Комбинацијата на бројки и букви, врз основа на општото познавање на историјата, е соодветна за поврзување со националсоцијалистичкиот режим, што се коси со законот за забрана на кршење на правилата за морал и обичаи, се наведува во образложението од Судот.

„ХХ 1933“ асоцијара на националсоцијалистичкиот поздрав „Хајл Хитлер“, a 1933 е годината кога Хитлер, на чело на националсоцијалистите, дојде на власт во Германија.

Судот со тоа ја отфрла тужбата од маж од западногреманскиот град Вирсен, кому надлежната градска служба прво му дала одобрение на тие таблички, но по поплаката од еден граѓанин, го повлече одобрението. Сопственикот потоа се обратил до Судот во Дизелдорф, кој го одбил неговото барање, поради што се обратил и до Вишиот суд во Минстер, кој ја потврди одлуката на пониската инстанца.

 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.




loading...