Аларм во Јапонија, ги демне силен тајфун

103

Силен тајфун денеска тргнал кон североисточниот дел на Јапонија до островот Хоншу, откако погодил делови од јужните острови со силен дожд и ветрови кои предизвикале поплави.

Тајфунот Тапах денеска поминал во близина на Нагасаки, откако претходна два дена погодил други делови на јужна Јапонија, вклучувајќи ја и Окинава.

Јапонската метеоролошка агенција соопшти дека тајфунот се движел североисточно со брзина од 30 километри на час, со максимални брзини на ветрот од 162 километри на час.

Агенцијата предупреди на обилни дождови, поплави и можни свлечишта до утре во западниот дел на Јапонија.

Поради тајфунот Тапах во Јапонија се откажани стотици летови, а се очекува невремето да предизвика слични нарушувања во воздушниот сообраќај кога денеска подоцна ќе дојде и до Јужна Кореја.

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.




loading...