Награда од илјада евра ќе добие тој што ќе натера барем една од политичките партии да ги бојкотира изборите, стои во оглас објавен во подгоричкиот весник Дан.
Во текстот е наведено дека огласот го објавува Василије Миличковиќ и оставен е број од неговиот мобилен телефон.
Во изјава за Побједа, тој ја потврди автентичноста на огласот.
– Точно е дека понудив 1.000 евра и тоа е мој оглас. Тоа е мојата порака до несреќниот народ кому му е ускратено уставното право да гласа за отворени листи и за своите непосредни претставници – рече Миличковиќ.
Последните години тој е политички активен, преку поддршка на опозициските протести во 2015 година, а потоа и како кандидат за претседател на државата.
