Полицијата во САД осуети ново можно масовно пукање, еден од редицата слични случаи во август после нападите во Ел Пасо, Тексас и Дејтон, Охајо на почетокот на месецот кога загинаа над 30 луѓе а педесетмина беа повредени.
Се работи за 19 годишниот Пол Стебер, студент во прва година од универзитетот „Хај Поинт“ во Северна Каролина. Тој синоќа беше уапсен во универзитатскиот кампус каде во својата соба поседувал две парчиња оружје, сачмарка и пиштол.
За време на судското рочиште синоќа се дозна дека тој планирал масовна пукотница уште од лани во декември, изучувал слични настани како нападот во црквата во Чарклтон во 2015 година. Како причина за планирање на оружен напад се наведува одлуката дали тој би бил примен или не во универзитетско братство.
Властите велат дека досега не извршил криминални дела.
Стебер е од Бостон, и прашан зошто решил да дојде во Северна Каролина, одговорил дека „овде полесно може да се купи оружје“. Нападот планирал да го изврши најдоцна до божиќните празници.
Овој случај, како и претходните неколку на осуетени масовни пукања, бил спречен со полициска дојава.
Се укажува дека во САД во изминатиот период зачестиле дојавите до полиција за лица чии постапки, онлајн или реално, укажуваат дека може да спроведат оружен напад.
Така на пример американската полиција неодамна, во текот на само еден недела, спречи шест возможни масовни пукања. Повеќемина од ушпасените лица кои сеуште се во притвор и очекиваат судења, се на возраст од 20 до 25 години и биле пријавени во полицијата од нивни познаници.
Осуетените напаѓачи најчесто се водени од иделошки причини промовирани од радикалните десничарски групи во САД како супремација на белата раса, нетрпеливост кон имигрантите од Јужна Америка, омраза или национализам.
Yesterday, HPU President Dr. Nido Qubein shared this important message with students, parents, faculty and staff. Today, we’re sharing with it with you. Thank you for your support during this time. And always remember – If you see something, say something. https://t.co/yE2i1pTkBP
— HighPointUniversity (@HighPointU) August 29, 2019
ФОТО: CBSNEWS
