Поранешниот ерменски претседател Роберт Кочаријан денеска е повторно уапсен, во рамки на случајот за кој тој тврди дека претставува политичка одмазда на сегашното раководство на земјата.
Кочеријан е ставен во притвор откако Апелацискиот суд ја поништи одлуката на понискиот суд, со која тој беше ослободен минатиот месец.
Кочарјан е обвинет за кршење на уставниот поредок, поради тоа што во 2008 година им нареди на армијата и на полицијата да ги задушат протестите против резултатите од изборите, на кои Серж Саргсијан беше избран за негов наследник. Во судирите загинаа осуммина демонстранти и двајца полицајци.
Актуелниот претседател на Ерменија, Никол Пашинијан, беше еден од лидерите на протестите, а ги предводеше и демонстрациите пред една година, кои доведоа до симнување од власт на Саргсијан по 10 години владеење.
