Франција, Британија и Германија испратија официјално дипломатско предупредување до Иран за сериозните последици со кои ќе биде соочен Техеран доколку не се однесува согласно нуклеарниот договор од 2015 година, изјавија денеска двајца неименувани дипломати.
Европските потписници на договорот поднесоа дипломатски демарш на 22 јуни, со цел да се предупреди Иран да не ги намалува своите обврски кон договорот.
Засега не е познато со какви последици може да се соочи Иран доколку не се придржува кон договорот.
Иран соопшти дека нема да им даде повеќе време на европските сили по 8 јули за спас на нуклеарниот договор.
Техеран нагласи и дека е подготвен да ја оствари заканата за збогатување ураниум на повисоко ниво, доколку Европа не го заштити Иран од санкциите на САД
EPA-FILIP-SINGER
