Генералниот директор на Боинг, Денис Муленбург, призна дека компанијата направила „грешка“ при ракување со проблематичниот систем за предупредување во пилотската кабина на авионот „737 Макс“, пред падот на два такви модела, при што загинаа 346 лица.
Муленбург вети транспарентност во работата на компанијата, во момент кога таа се обидува да го врати во воздух „737 Макс“, кој е приземјен претходно оваа година ширум светот.
На прес-конференција во Париз тој истакна дека комуникацијата на Боингот „не била конзистентна“, оценувајќи дека тоа е неприфатливо.
Американската Сојузна управа за цивилно воздухопловство го обвини Боинг бидејќи повеќе од една година не ги известил регулаторите дека индикаторот за безбедност во пилотската кабина на авионот не работел.
