Покрај раскошната продукција, костимографија и провокативната кореографија, првата вечер на големата светска турнеја на Џенифер Лопез ја одбележа и нејзината 11-годишна ќерка Ема. Таа застана на големата сцена и, како и нејзината мајка, ги воодушеви илјадниците обожаватели со својот глас.
Среде концертот во Инглвуд, Ема се појави на сцената и со мајка ѝ ја опеаја „Limitless“ – песна чијшто спот беше издаден лани.
Во тој миг, многумина во девојчето ја видеа наследничката на нејзината светски позната мајка, но и на татко ѝ Марк Ентони, исто така познат латино-пејач, од когошто Лопез се разведе пред неколку години.
