Индиската народна партија (БЈП), на премиерот Нарендра Моди, победи на општите избори, изјави функционерката на партијата и министерка за надворешни работи Сушма Свараџ.
– Му честитам на премиерот што донесе голема победа за партијата. Благодарна сум на луѓето во Индија – рече Свараџ.
Во исто време, регионалниот лидер на главната опозициска Конгресна партија, Амариндер Синг го призна поразот на неговата партија.
– Ја изгубивме битката – рече Синг, премиер на државата Пенџаб.
Гласањето на општите избори во Индија заврши на 19 мај со седмата и последна фаза која траеше повеќе од пет недели.
