Американскиот бизнисмен и неговата сопруга во чија куќа била пронајдена мртва холандската манекенка, признале дека имале секс во тројка со девојката, неколку часа пред нејзината смрт.
Локалната полиција навела дека смртта на Ивана Смит (18), која паднала од 14. кат по забавата, била несреќа на која и претходело консумирање дрога и алкохол.
Алекс Џонсон (44), трговец со криптовалути, и неговата сопруга Луна Алмаз (31), примиле многубројни смртни закани откако приватните инспектори тврделе дека Ивана била убиена.
Џонсон рекол: „Овој случај е лекција за тоа како лажните тврдења и лажните вести можат да ги уништат животите на луѓето. Никогаш не сакавме да објавиме детали од нашиот брак. Сега се плашиме дека нашите животи се во опасност и немаме избор.“
Неговата сопруга Луна додала: „Кога зборувам за нејзината смрт, ми се тресат рацете, имам болка во срцето.“
Тинејџерката, која имала 18 години, на парот наводно му рекла дека има 26.
Ноќта пред Ивана да падне од балконот на нивниот стан, парот Џонсон вели дека биле со манекенката во ноќен клуб. Следното утро Луна отишла да го однесе детето во училиште и се вратила, како што тврди, во околу 8:15 наутро.
– Алекс и Ивана лежеа во креветот. Таа беше будна, тој спиеше. И пријдов и и реков: „Јас сум сега слободна“. Седнавме на софата и по 20 минути Ивана пушти музика и се соблече. Отидовме во спалната соба и бевме интимни – рекла Луна.
Таа тврди дека ја пронашла Ивана подоцна како талка, зборувајќи сама со себе и смеејќи се.
– Бев изморена по сето тоа. Во 10:15 отидов во спалната соба. заспав само што ја ставив главата на перница – навела Луна.
Таа се разбудила три часа подоцна и ги видела работите на Ивана, но не и неа, па претпоставила дека отишла на договорената фотосесија.
– Подоцна полицијата не извести дека е пронајдено телото на Ивана – рекла таа.
Полицијата наведува дека нема „никакви криминални елементи“.
ФОТО:Инстаграм
