Бројот на барања за азил поднесени во Австрија минатата година драстично е намален, покажуваат статистичките податоци на австриското Министерство за внатрешни работи.
Минатата година имало 41,5 отсто помалку поднесени барања за азил од 2016 година, а најмногу баратели имало од Сирија и Авганистан. Лани биле поднесени вкупно 24.735 барања за азил, а од тој број 30 отсто молби биле од Сиријци, а 15 отсто од Авганистанци. Потоа следуваат државјани на Пакистан, Нигерија, Ирак и Русија, со по шест проценти.
Од поранешните југословенски републики, во Австрија минатата година азил побарале 45 државјани на БиХ, тројца од Хрватска, 117 од Македонија и 145 од Србија. Од Косово азил побарале 150 луѓе.
На државјаните на БиХ им биле одобрени само три барања, на Косовците четири, на Хрватите сите барања, а кај Македонците биле одобрни две барања, што е 1,4 отсто позитивни одговори.
