Над 50 лица, меѓу кои и 15 деца, беа евакуирани попладнево од нивните домови, откако пожар зафати петкатна станбена зграда во центарот на рускиот град Сочи.
Пожарот, кој е изгаснат вечерва, уништи над 600 метри квадратни површина. Во гаснењето на огнот учествуваа 133 пожарникари со 38 противпожарни возила.
Според локалната полиција, пожарот започнал на покривот на зградата во која имало 40 станови. Причините за избувнувањето на огнот засега не се познати.
Нема информации за жртви при пожарот.
Претходно, претставник на противпожарната служба изјави дека силниот ветер што дува во Сочи го отежнува гаснењето на огнот. Тој изрази стравување дека ако пожарот не биде изгаснет до вечерва, во текот на ноќта ветерот може дополнително „да ја усложни состојбата“.
