Златното правило за спојување на храната и виното е „од каде што е храната од таму е виното“. Нека двете потекнуваат од иста земја и исто поднебје, советуваат винарите.
Така, на пример, со континенталните јадења одлично се спојуваат вината од тоа подрачје, па така со дивечот (темното месо) одлично се комбинира континентално црвено вино, а со сината риба одат медитеранските вина.
Според грубата поделба, црвеното вино оди со темното месо, а белото вино оди со белото месо (пилешко, риба…), шампањската служат за свечени пригоди, а слатките вина одат со слатки десертни јадења.
На пример, со сармата препорака е да се послужи бело вино, објаснуваат сомелиерите кои навеле правила за комбинирање на храната и виното. Но, истакнуваат дека тие препораки некому можеби нема да му одговараат.
Кое вино да го нарачате со поедини видови риба
Свинско месо
Со свинското месо одговара многу широк спектар на бели и црвени вина, помеѓу средни и интензивни. Изборот ќе зависи од начинот на приготвувањето на тие видови месо.
Јагнешко месо
Суви до благо полусуви вина со складно избалансирани киселини и благ остаток на шеќерот.
Телешко месо
Со телешкото добро одат одлежани бели вина.
Ќебапи и плескавици
Со плескавиците, ќебапите, уштипците и сличните јадења од мелено месо се препорачува црвено вино, но треба да се избегнуваат елегантни и нежни вина, бидејќи нема да се почувствуваат.
Печено месо
Со печеното светло месо и живината одат бели суви до полусуви вина.
Риба
Рибата бара бело вино, но тоа не е правило и зависи и од начинот на приготвувањето. Белата риба бара полесни, поминерални, свежи бели вина.
Морски плодови
Октоподот и полнетите лигњи одлично се согласуваат со црвените вина. Со морските плодови одговараат и сувите до полусуви розе вина.
