Годинава Филозофското друштво на Македонија го организира 9. Филозофски Филмски Фестивал по трет пат со интернационална димензија. Главната програма на ФФФ ќе се одржи од 9 до 16 мај, во Кинотеката на Македонија со учество на повеќе домашни и интернационални гости – филозофи, професори, истражувачи, режисери.
Фестивалот е поддржан од Агенцијата за филм, Министерството за култура и Градот Скопје. Соработници на Фестивалот се Филозофскиот факултет при Универзитетот „Св. Кирил и Методиј“ – Скопје, Кинотека на Македонија, МКЦ Скопје, како и три филмски академии: ЕФТА и ФДУ од Скопје и Филмската академија при УГД Штип.
Во реализацијата на годинешните активности значаен придонес имаат и: Гете-институтот Скопје, Францускиот институт во Скопје, Италијанската амабасада во Скопје, како и многу други партнери, спонзори и пријатели.
