Организацијата информира дека првите податоци за компромитирање на системот пристигнале на 15 март, кога канцеларијата решила да ја префрли информатичката структура на побезбедна меѓународна мрежа како дел од планирана надградба.
Амнести повикала тим експерти за да го испита случајот.
– Странските кибер експерти успеаја да најдат поврзаност меѓу инфраструктурата што се користела во тој напад и во претходните кои беа поврзани со кинеската Влада, соопшти организацијата.
Амнести одби да ја именува групата која е виновна за нападот, затоа што истрагата се уште трае, но додаде дека во подоцнежна фаза ќе го објави и техничкиот извештај.
– Според нашите кибер експерти, нападите биле постојани и се случувале веќе неколку години, изјави Ман-кеј Там, директор на канцеларијата на Амнести Интернешнел во Хонг Конг.
