И албанската Влада стана дел од донаторите за обнова на катедралата Нотр Дам во Париз, која се запали пред три дена.
За таа цел донесена е одлука да се доделат средства во износ од 100.000 евра.
Претходно албанскиот државен врв и лидери на политички партии изразија жалење за настанатите штети на познатата катедрала Нотр Дам од пожарот што ја зафати и солидарност со ветување дека Албанија ќе помогне во обновувањето
И косовската Влада најави дека ќе помогне со финансиски средства.
Претседателот на Советот на ЕУ, Доналд Туск во вторникот побара од 28-те земји членки на Европската Унија да помогнат во обновата на Нотр Дам.
ФОТО: EPA / IAN LANGSDON
