„Вечер на соло песни“ е рециталот на извонредниот вокален солист, бас-баритонот Милан Силјанов кој ќе се оддржи во понеделник во 20 часот во Камерната сала на Филхармонијата. Силјанов години наназад е активен на европските музички сцени, а во Скопје ќе настапи со неговата долгогодишна партнерка, пијанистката Нино Чоконелидзе од Грузија.
Оваа вечер ќе бидат изведени инспиративни циклуси на песни: „Љубовта на поетот“ оп. 48 од Р. Шуман, Циклус песни „Let us garlands bring“ оп. 18 од Џ. Финзи, „Дон Кихот и Дулчинеа“ од М. Равел, како и „Отпловена Русија“ од Г. Свиридов.
