Еден маж загина во експлозија, која се случи вечерва околу 19 часот во подземна гаража на Римскиот плоштад во Подгорица, јавуваат црногорските медиуми.
РТЦГ, повикувајќи се на неофицијални информации, информира дека бомбата била ставена под автомобил и била активирана додека возилото се движело.
По една силна, се слушнале и две послаби детонации, јави новинарот на РТЦГ од местото на настанот.
ЦдМ наведува дека од полиција им било кажано дека се работи за пресметка на криминални групи.
Полицијата го блокираше влезот во гаражата, а на местото на настанот се наоѓа и екипа на Брза помош и пожарникари.
