НАСА бара доброволци кои за 16.500 евра ќе треба да лежат в кревет два месеца, да читаат и да гледаат телевизија. Пријавите за огласот завршуваат на 24 мај, а тестирањето почнува во септември.
Целта е тестирање на вештачката гравитација, бестежинската состојба и вселенското зрачење. Учесниците во истражувањето ќе лежат во специјализирани кревети два месеца, за да се види како летот во Вселената, односно изолацијата и просторното ограничување влијаат на човековото тело.
Кандидатите ќе имаат телевизор, списанија и други занимливости, а за оваа „работа“ има само еден услов… Тој што ќе биде примен не смее да станува 60 дена од креветот. Значи, ќе гледа ТВ, ќе чита, ќе јаде и ќе врши нужда лежејќи.
Амерканската агенција НАСА го води овој експеримент во соработка со Европската вселенска агенција (ЕСА) и Германскиот вселенски центар.
