Рускиот турист Андреј Жестков е приведен на аеродром на индонзискиот остров Бали зошто се обидел да ја напушти земјата со дрогиран орангутан во куферот, соопшти денеска полицијата.
Туристот (27) е приведен од страна на аеродромското обезбедување додека се качувал во авион за Русија.
Обезбедувањето во неговиот куфер пронајде мажјак орангутан од околу 2 години кој бил во длабок сон, како и два гекони и пет живи гуштери.
Полицијата наведе дека орангутанот најверојатно бил заспан со таблети против алергија кои се пронајдени во куферот.
На Русинот му се заканува затворска казна од 5 години како и 7.000 долари парична казна поради шверц на заштитени видови животни.
Туристит рекол дека орангутанот му го подарил пријател и дека сакал да му биде домашно милениче.
ФОТО: EPA/Denpasar Quarantine
